DOMICOENIUM

DOMICOENIUM

triste Romanis habitum. Mart. l. 5. Epigr. 79. cuius epigraphe ad Turanium.

Si tristi domicoenio laboras,

Turani; potes esurire mecum.

Nempe non pauperibus solum, sed et ditibus; ut qui domi inter familiares suos minus voluptatis caperent, quam inter socales foris. Hinc, Idem l. 2. Epigr. 69. cuius epigraphe in Classicum.

Ipse quoque ad cenam gaudebat Apicius ire,

Cum cenaret, erat tristior ille, domi.

Et quidem domino sic foris cenanti Adversitores servi advorsum ibant, officii et tutelae gratiâ: Accersitores vero domini adventum praenuntiabant, uti infra dicemus, in voce Foris.